السلام عليكم حبيباتي جيبالكم اليوم وصفه من وصفاتي وهي طريقه الجلاش باللحمه المفرومه والجلاش من اجمل الاكلات بالطعم الحلو والمذاق اللذيذ ومن الذ الاطباق التى انتقلت الى الدول العربيه لكن معظمهم مكنوش بياكلوها باللحمه احنا بقي المصريين جبنهالكم باللحمه المعجونه بالبصل وبقى من اهم الاطباق اللي بنقدمها لاهلنا وحبايبنا ف عزومتنا ومناسبتنا

يلا بينا بقي يا احبابي نخل بيكم عالوصفه ان شاء الله هتحبوها ومش هتبطلوا تعملوها هيا بنا

 

المكونات

  1. لفه جلاش
  2. سمنه سايحه
  3. ربع كيلوا من اللحم المفروم
  4. رشه جبنه رومي
  5. رشه جبنه شيدر
  6. بصله كبيره مفرومه
  7. رشه من القرفه
  8. رشه زنجبيل بودر
  9. رشه من جوز الطيب
  10. شرائح من الزيتون
  11. فلفل رومي مقطع شرائح
  12. طمطمايه مقطعه مكعبات
  13. فلفل اسود
  14. ملح
  15. بيضه واحده
  16. كوب من اللبن البارد

يلا بينا علي طريقه التحضير حبيباتي

 

طريقه التحضير

احضرى حله ثم ضعيها على النار وضعي فيها السمن ثم اضيفى البصل المفروم مع السمنه وقلبيه ثم ضيفى الملح والقرفه والزنجبيل والفلفل الرومي ورشه جبن الشيدر والرومي والزيتون وباقى المكونات وقلبيه جيدا ثم ضيفى الطماطم المقطعه مكعبات واتركيها حتى تنضج ثم تطفئ النار

ادهني نصفه كميه ورق الجلاش بالسمن ثم ضعيه ف صينيه مدهونه بالسمن وضيفى عليه خليط اللحمه المفرومه ومن ثم ضيفى بقيت ورق الجلاش وادهنيه بالسمن ثم قطعيه مثلثات او مربعات حسب رغبتك واخلطى اللبن بالبيض والفلفل الاسود ثم ضفيهم على الجلاش

دخليه الفرن واول ما يبدا يعطينا اللون الذهبى خرجيه وضيفى عليه الجبنه الموزاريلا ودخليه يكمل سواه تاني

والى اللقاء فى صفه جديده من وصفات ميرو

رمضان كريم