بسيم الله الرحمن الرحيم اذيكم عاملين ايه احلي متابعين فى الدنيا كلها يارب تكونوا بخير جيتلكم بوصفه جديده النهارده هعملكم الدبابيس ممكن تعملوها بالورك كله وممكن لو عندك فرخه تقطعيها 8 وتعمليها الطريقه اللي هقولكم عليها النهارده والله حقيقي زى بتاعت المحلات بالظبط او اللي بنطلبها دليفرى بس احنا بقي هنعملها فى ابلبيت بتبقى احسن وافر والطريقه اللي هنعملها دى هتبقى سهله عشان لو حبيتى تعمليها فى رمضان كل سنه وانتوا طيبين وكمان مفيهاش ولا بيض ولا لبن ولا زبادى ومكوناتها سهله جدا وبسيطه وموجوده فى كل بيت وهنعملها مع بعض خطوه بخطوه يلا بيتا نبدا ونشوف هنعمل ايه

نغسل الفراخ جيدا ونخرمها فتحات صغيره بالسكينه ونجيب طبق عميق نحط فى مايه وملح وملعقتين سكر وحوالي نصف كوب خل يقلب الحلول كويس جدا ثم نضع فيه الفراخ ونسيبها فى الثلاجه لمده يوم بعدين تطلعيها وتصفيها من المايه كويس ونبدا نعملها الكوفر بتاعها

يلا ننزل معاكم بالمقادير

المقادير

  1. اتنين كوب دقيق
  2. نص كوب نشا

 

  1. بصل بودر
  2. ثوم بودر
  3. نص ملعقه بيكنج بودر
  4. فلفل اسود
  5. ملح
  6. نص ملعقه بابريكا
  7. كاري
  8. نص ملعقه زعتر
  9. كركم

 

 

طريقه التحضير

نحضر وعاء نضيف فيه الدقيق والنشا والزعتر والبابريكا وباقى المقادير وتقلب جيدا عشان الخليط يختلط مع بعضه بعدين ننزل بالمايه عاللخليط شويه بشويه ونقلب لحد ما يديكي القوام المطلوب بحيث انه يمسك فى الفراخ ده كدا اول كفر

نبدا نعمل الكفر التاني عباره عن كوب دقيق ونص كوب نشا ونفس البهارات بتاعه الكفر الاول ونزود عليها كركم وتقلب نفس الطريقه من غير مياه ثم نبدا نسقط الفراخ فى الكفر الداخلي ونخليه يتشرب منها كويس بعدين نحطه فى الكفر الخارجي وكدا الكفر الخارجي هيمسك فى كويس بعدين نسخن زيت كويس جدا ونحمر فى الدبابيس الفراخ بعدين نوطي عليه النار تكون متوسطه لونها يصفر بعدين طلعيها على مصفي الاول تصفي زيتها بعدين حطيها علي مناديل وحطي عليها كاتشب او مايونيز وقدميها مع بطاطس محمره وسطله

والف هنا على قلوبكم حبيباتي

الي اللقاء فى وصفه جديده من وصفات ميرو

رمضان كريم