السلام عليكم ورحمه الله وبركاته حبيباتي النهارده بنقدملكم كيكه الشيكولاته كلنا بنحبها واطفالنا ميقدروش يستغنوا عنها لازم بقي ندلعهم ونبسطهم وهي مفيده جدا لان فيها كالسيوم هنعملها سهله جدا وبسيطه ويلا بقي ننزلكم بالمقادير

 

المقادير

  1. كوب من الدقيق
  2. نص كوب كاكاو خام
  3. كوب زيت
  4. كوب من اللبن
  5. كوب من السكر
  6. ثلاث بيضات
  7. كيس بيكنج بودر
  8. كيس فانيليا

طريقه التحضير

اول حاجه نضع الكاكاو والزيت والسكر فى الخلاط ونضربهم مع بعض كويس اوي بعدين ناخد كوب من خليط الشيكولاته ونحطه فى الثلاجه لحد ما نخلص باقي الطريقه بعدين نضع على نص كميه الشيكولاته الباقيه اولا البيض ويكونوا فى حراره الغرفه ونحط نص غطاء من الفانيليا ونضربهم كويس جدا بعدين ننخل الدقيق ونحط معاه البيكنج بودر ننخله كويس عشان الكيكه تطلع مفرغه وجميله وهشه مش مكتومه فى نفسها بعدين نصب الخليط اللي ضربناه فى الخلاط ونضربه مع الدقيق بالمضرب اليدوى فى اتجاه واحد وقبل ما تبداي فى التحضير تكوني مشغله الفرن  على درجه حراره 180 وتكوني داهنه الصينيه زيت المهم نضرب الخليط كويس ونصبه فى الصينيه ونضعه فى الفرن ومتفتحيش عليها الفرن قبل تلت ساعه بتاخد فى الفرن تقريبا 25 دقيقه وعشان تتاكدى انها استوت ولا لا حطى فيها شوكه لو طلعت نضيفه تبقي استوت بعدين تقطعيها وتقدم مع شاي بلبن وبالف هنا حبيباتي

الي اللقاء فى وصفه جديده من وصفات ميرو \\\رمضان كريم