التخطي إلى المحتوى

بالفيديو حنين حسام تثير الجدل ، آثارت الطالبة الجامعية حنين حسام حالة من الجدل الكبير بعد نشرها فيديوهات تحرض فيها على الفسق والفجور كما وصفها الإعلامي نشأت الديهي وطالب بتوقيع أقصى العقوبة عليها لأنها تنشر الفيديوهات التي لا تتناسب مع تقاليد المجتمع الشرقي وتُهدد الأسر المصرية والعربية في كل مكان.

بالفيديو حنين حسام تثير الجدل

فقال الإعلامي نشأت الديهي في برنامجه :

البنت عاملة فيديو ورهوني الولاد حوالي 3 دقائق حاجة بشعة جدا حاجة مصيبة والفيديو لو 3 دقائق وبورنو مش قصة يعني لكن ده دعوة للبنات والفتيات المصريات المراهقات انهم يعملوا حاجة غريبة جدا.

وأكمل الإعلامي نشأت الديهي قائلًا :

البنت بتقول للبنات كل واحد يدخل غرفته وتفتح الكاميرات لايف بس تكون حلوة شوية وكل واحدة هتاخد فلوس من 36 دولار ل2000 دولار انا اتخضيت والله يعني رفقا بالمجتمع رفقا ببناتنا يا سيادة النائب العام انا اخشى على بنات وانا بسأل هل ممكن الكلام ده ممكن يعدي عادي.

واختتم الاعلامي نشأت الديهي حديثه قائلا : انا معرفش والله دي تجارة رقيق ولا دي دعارة مكننة ولا دي قوادة انا خايف على المجتمع دي مصيبة البنت دي شغالة ايه ولحساب مين ووكالة ايه اللى بتقولي عليها وانا ارجو بكل انواع الرجاء لكل واحد عنده بنت يخلي باله منها ولابد من الجهات الرسمية ان تتعامل مع هذة الامور.

حنين حسام ترد على الاعلامي نشأت الديهي

قامت حنين حسام بالرد على الإعلامي نشأت الديهي عبر حسابها الرسمي على موقعها الرسمي على انستجرام قائلة :

المذيع لعبها صح المذيع جاب فيديو قصه من الاستوري عندي الاستوري 3 دقائق قص منه 10 ثواني وحللها على مزاجه وفي اهالي كتير مش فاهمة يعني ايه لايفات وفيه ناس فاهمة يعني ايه لايفات بس بتستعبط فخليني اوضح يعني ايه لايفات.

وأكملت قائلة : لايفات شغل زيها زي اي شغل هو فيه حضرتك شغل بتشتغله من غير مقابل طب سياتك اللى قاعد في احسن استوديو بتصور فيه وانا مش جاي على الاعلاميين بصفة عامة انا جاي بصفة شخصية على الشخص اللى بيقول ازاي 3000 دولار حضرتك مرتبك كام وبرامج اللايف الممثلين بقوا يشتغلوا فيها هل معنى كدة انهم بيشتغلوا في الدعارة والمغنين كمان بقوا بيشتغلوا فيها .

واختتمت حنين حسام حديثها قائلا : انا بوجه كلامي ده لكل اللى في السوشيال ميديا احنا مش وحشين احنا مش وحشين وبلاش تسكتوا انت اللى بتعمل لايف وبتصرف على نفسك وعلى اهل بيتك بيقولوا انك بتشتغل في الدعارة كفاية حرام عليكم ارحموا ما في الارض يرحمكم ما في السماء وانا كحنين مش هقول غير حسبى الله ونعم الوكيل .